Uko hapa: NyumbaniHabari2021 09 28Article 560056

Habari Kuu of Tuesday, 28 September 2021

Chanzo: kiswahili.tuko.co.ke

Magazetini: Raila kuwatumia waliodaiwa kumuibia kura 2017 kupanga kampeni 2022

Magazetini: Raila kuwatumia waliodaiwa kumuibia kura 2017 kupanga kampeni 2022 Magazetini: Raila kuwatumia waliodaiwa kumuibia kura 2017 kupanga kampeni 2022

Magazeti ya Jumanne, Septemba 28, yameipa uzito mkutano wa kinara wa Orange Democratic Movement (ODM), Raila Odinga na Rais Uhuru Kenyatta kubuni mikakati ya kampeni zake za 2022.

Magazeti haya pia yameguzia uamuzi wa Mahakama Kuu kuzuia kwa muda Mamlaka ya Ukusanyaji Ushuru Nchini (KRA) kuongeza ushuru wa mafuta

1. The Star The Star linaripoti kuwa washauri wa karibu wa Uhuru na wafadhili wa kampeni zake za 2017 wanabuni mkakati wa kampeni za urais za Raila.

Wanabiashara mabwenyenye na watu wenye ushawishi chini ya Mount Kenya Foundation (MKF) ndio wanapanga mkakati huo na wanatarajiwa kukutana na Raila katika Hoteli ya Safari Park leo.

Matajiri hao ambao awali waliwaunga mkono wagombeaji wa urais wanatarajiwa kufanya kazi kwa karibu na baadhi ya wataalam wa kampeni za Jubilee za 2013 na 2017.

Kikosi hicho cha Uhuru ambacho kilishtumiwa kuiba kura za Raila katika chaguzi zilizopita, kinasifiwa kuandaa kampeni zilizonoga..

2. The Standard Uhamiaji wa raia kutoka taifa moja hadi lingine, umechukuwa haki za wahamiaji kutoka kwa nchi zao za nyumbani.

Huku katiba ya Kenya ikiwapa raia wote haki ya kupiga kura, wapiga kura wanaoishi nje ya nchi huwa wanatengwa kwa sababu ya kutokuwepo kwa mpangilio wa kuwawezesha kushiriki zoezi hilo.

Huku chaguzi za 2022 zikinusia, wanasiasa wakuu ambao wamekuwa wakipiga ziara nchini kuuza sera zao, pia watakuwa wakipigania kura za nje ya nchi.

The Standard linaripoti kuwa wanasiasa hawawezi kupuuza mamilioni ya kura nje ya nchi ambazo zinaweza kuwasaidia kufikia asilimia 50 ya kura inayohitajika.

3. Daily NationKulingana na Daily Nation, Ruto hatimaye amekubali msimamo wa vyama vidogo kuwa havitajiunga na chama chake cha United Democratic Alliance (UDA) kuunga mkono azma yake ya urais mwaka 2022.

Mbunge wa Gatundu Kusini Moses Kuria wa Chama Cha Kazi (CCK), aliyekuwa waziri wa Kilimo Mwangi Kiunjuri wa The Service Party (TSP) na Isaac Rutto wa Chama Cha Mashinani (CCM) wameapa kuwa hawatajiunga na UDA licha ya Ruto kuwataja kama "vyama vya kikabila".

Ruto yuko makini kumrithi Uhuru mwakani na ameshikilia kuwa ataendelea kushabikia UDA kama chama cha kitaifa.

Tangazo hilo linakujia baada ya kunukuliwa katika ziara yake ya Migori akisema hana shida na vyama hivyo.

4. Taifa LeoGazeti hili linaripotia kuwa Gavana wa Mombasa, Ali Hassan Joho atiwa presha kumtaja mrithi wake kuelekea chaguzi za 2022.

Joho, ambaye muhula wake wa pili na wa mwisho utakamilika 2022, ameshikilia kuwa wanaomezea mate kiti hicho wajitete wenyewe mbele ya wapiga kura.

Kiti hicho kimewavutia wabunge Abdulswamad Nassir (Mvita), Ali Mbogo (Kisauni), naibu gavana William Kingi, mwanabiashara Suleiman Shahbal na seneta wa zamani Hassan Omar.

Joho pia aliwaomba wagombeaji kujiepusha na siasa za kikabila ambazo zitagawanya jamii zinazoishi eneo hilo.

5. People Daily Kulingana na gazeti hili, ni afueni kwa Wakenya baada ya Mahakama Kuu Jumatatu, Septemba 27, kuzuia kwa muda Kamishna Mkuu wa KRA, Githii Mburu kuongezea ushuru bidhaa za mafuta.

Ushuru huo ulikuwa unatazamiwa kuanza kutekelezwa Oktoba 1.

Huku akitoa amri hiyo ya muda, Jaji James Makau alisema kesi iliyowasilshwa na walalamishi ni yenye uzito mkubwa na kuna uwezekano wataibuka washindi dhidi ya serikali.

Kesi hiyo iliwasilishwa na vijana wanne wa Korogocho, Nairobi.