Uko hapa: NyumbaniHabari2021 06 10Article 542086

Habari Kuu of Thursday, 10 June 2021

Chanzo: ippmedia.com

Mbowe amuomba Samia tume ya ukweli, upatanishi

Mbowe amuomba Samia tume ya ukweli, upatanishi Mbowe amuomba Samia tume ya ukweli, upatanishi

Amesema hatua ya kuunda tume hiyo ni kutoa fursa na nafasi kwa watu kutoka makundi mbalimbali kujitokeza kusema ukweli Ili waliofanya makosa waombe radhi ili matukio hayo yasijirudie.

Mbowe alitoa ombi hilo wakati wa mkutano wa Baraza la Mashauriano wa CHADEMA Mkoa wa Morogoro uliowashirikisha viongozi wa chama hicho kutoka majimbo 11 ya uchaguzi ya mkoa huo.

Alisema baada ya kuundwa tume hiyo na watu kupewa nafasi ya kuwasilisha madhila walioyapata, itasaidia waliofanya makosa waliombe radhi Taifa ili kufikia maridhiano ya pamoja.

Kwa mujibu wa Mbowe, yapo makundi ya wakulima, wafugaji, wavuvi, viongozi wa dini ambao wameumizwa na baadhi ya viongozi waliokuwa madarakani katika kipindi cha miaka mitano iliyopita.

Alisema kukamatwa kwa aliyekuwa kiongozi mmoja wa serikali hivi karibuni na kufikishwa mahakamani kwa tuhuma mbalimbali, sio suluhisho la vilio vya Watanzania wengi walioteswa na baadhi ya viongozi waliokuwa serikalini kipindi hicho.

“Wapo viongozi na watumishi kutoka taasisi mbalimbali, na sehemu nyingine wamewaumiza sana Watanzania katika kipindi hicho cha miaka mitano iliyopita wajitokeze kuliomba radhi taifa hili ili tuishi kwa maridhiano,” alisema Mbowe.

Alisema hakuna sababu ya kukwepa kuundwa tume hiyo kwa kuwa waliofanya hivyo mpaka sasa wapo katika serikali na wanaendelea kufanya kazi bila shaka yoyote.

Aliongeza kuwa amani ya nchi hii na utengamano vitapatikana pale tu ukweli utakapobainika kutoka kwa viongozi ili kupukana kujenga taifa lenye visasi.

Naye Mwenyekiti wa Baraza la Vijana la CHADEMA (BAWACHA), John Pambalu, alimuomba Rais Samia atakapokwenda Mwanza kuwaambia vijana atawaachia lini wafungwa wa kisiasa, ambao alidai wengi wao wamebambikiwa kesi.

Join our Newsletter