Uko hapa: NyumbaniHabari2021 11 26Article 574117

Habari Kuu of Friday, 26 November 2021

Chanzo: tuko

Mwanafunzi atekwa nyara baada kualikwa kwenye birthday na rafiki yake

Mwanafunzi atekwa nyara baada kualikwa kwenye birthday na rafiki yake Mwanafunzi atekwa nyara baada kualikwa kwenye birthday na rafiki yake

Aisha Omar alionekana mara ya mwisho jioni ya Jumatatu, Novemba 22, majira ya saa kumi na mbili jioni eneo la Masjid Alpha akiwa na rafiki yakeMzaliwa ambaye ni mwanafunzi wa kidato cha tatu anasemekana alimualika Omar kwenye siku yake ya kuzaliwa baada ya kurejea kutoka shule Binti huyo mwenye bathidei alikiri kwamba sherehe hiyo ilifanyika katika nyumba inayodaiwa kuwa ya jangili sugu kwa jina la GovernorFamilia moja mjini Mombasa inaomba usaidizi baada ya msichana wao wa shule mwenye umri wa miaka 16 kudaiwa kutekwa nyara huko Likoni.

Aisha Omar, mwanafunzi wa kidato cha tatu katika shuke ya Star of The Sea alionekana mara ya mwisho Jumatatu, Novemba 22, saa kumi na mbili jioni katika eneo la Masjid Alpha akiwa na mmoja wa marafiki zake.

Rafiki huyo, Aisha Mzaliwa kutoka Shule ya Sekondari ya Wasichana ya Mbaraki ambaye ni mwanafunzi wa kidato cha tatu inasemekana alimualika Omar kwenye sherehe ya bathidei yake baada ya kurejea kutoka shuleni.


Kulingana na kakake, msichana huyo alikuwa pamoja na Mzaliwa na mwanamume mwingine aliyetambulika kwa jina la Billy.

Pamoja na Billy ambaye anaaminika kuwa ndugu mdogo wa mshukiwa maarufu wa uhalifu kwa jina Governor, aliondoka nyumbani eneo la Madina mwendo wa tisa jioni na hakurejea tena.

Kulingana na uchunguzi ilibainika kuwa watatu hao walijumuika na watu wengine watatu miongoni mwao Governor.

Governor aliachiliwa hivi majuzi kutoka kwa polisi kwa bondi ya KSh 500,000 katika kesi iliyokuwa ikimkabili katika mahakama ya Mombasa baada ya kumshambulia mwanamume mmoja huko Likoni.

Watatu hao Mzaliwa, Billy na mamake Billy walikamatwa na kupelekwa katika Kituo cha Polisi cha Likoni.

Binti huyo mwenye bathidei alikiri kwamba sherehe hiyo ilifanyika katika nyumba inayodaiwa kuwa ya jangili sugu kwa jina la Governor.