Uko hapa: NyumbaniHabari2021 09 02Article 555082

Habari Kuu of Thursday, 2 September 2021

Chanzo: Channeltentanzania

Serikali yatoa Bilioni 15 kununua Mahindi

Waziri Mkuu wa Tanzania  ,  Mhe. Kassim Majaliwa Waziri Mkuu wa Tanzania , Mhe. Kassim Majaliwa

Waziri Mkuu wa Jamhuri ya Muungano wa Tanzania Mhe. Kassim Majaliwa amesema Serikali imekwishatoa sh. Bilioni 15 kwa Wakala wa Taifa wa Hifadhi ya Chakula (NFRA) ili kununua mahindi kutoka kwa wakulima.

Waziri Mkuu amefahamisha hayo Bungeni jijini Dodoma wakati akijibu swali la Mbunge wa Kwela, Deus Clement Sangu kwenye kipindi cha maswali ya papo kwa papo kwa Waziri Mkuu.

Amesema siku nne zilizopita alikuwa ziarani mkoani Katavi na kujionea hali halisi ya mlundikano wa mahindi ambapo alikutana na watu wa NFRA ili aone kasi yao ya ununuzi wa mahindi hayo..

Wakati huohuo, Waziri Mkuu amesema Serikali haiwezi kuunganisha taasisi za NIDA na RITA kutokana na tofauti za majukumu yake. Alikuwa akijibu swali la Mhe. Abubakari Damian Asenga, mbunge wa Kilombero ambaye alishauri taasisi hizo ziunganishwe ili kurahisisha upatikanaji wa vitambulisho vya Taifa ambavyo alisema kwa sasa vinacheleweshwa sana.