Uko hapa: NyumbaniBurudani2021 11 20Article 572992

LifeStyle of Saturday, 20 November 2021

Chanzo: kiswahili.tuko.co.ke

Kutana na mwanamume mwenye watoto 100 na wake 8

Kutana na mwanamume mwenye watoto 100 na wake 8 Kutana na mwanamume mwenye watoto 100 na wake 8

Mwanamume mmoja kutoka kaunti ya Kakamega nchini Kenya aliyefahamika kwa jina la David Kalukhana, amekiri kuwa na watoto mia moja kutka kwa wake zake 8 huku akijivunia sana kwa kuwa na familia kubwa.

David Kalukhana amefichua kwamba alifunga pingu za maisha kwa mara ya kwanza mwaka wa 1990 na mwanamke kutoka Musanda, Mumias, Kaunti ya Kakamega, Mwanamume huyo mwenye umri wa miaka 61 aliweza kuwatongoza wanawake wengine wa kutoka jamii tofauti hadi nchi jirani ya Uganda.

Kalukhana amesema yeye huitunza familia yake kubwa licha ya ugumu wa maisha na wao huishi kwa maelewano

Kalukhana mwenye umri wa miaka 61 alisema familia yake kubwa imemletea amani. Alitaja maisha ya kuoa wanawake wengi kuwa ya mafanikio licha ya kuwepo kwa changamoto.

“Nimeweza kutimiza yale ambayo wanaume wengi wanatamani kisiri ila hawana ujasiri wa kufanya vile. Kama chochote kile maishani, kuoa wake wengi kuna changamoto zake. Ila nimekinai na nina amani akilini mwangu," Kalukhana aliiambia jarida la The Nairobian.

Mwanamume huyo wa makamu alisema kwamba mwaka wa 1990, alifunga pingu za maisha na mke wake wa kwanza anayetoka Musanda, Mumias. Kuanzia hapo, aliweza kuwatongoza wanawake kutoka makabila tofauti, hata wa taifa la Uganda.

"Nimeoa wake wawili wa Waluhya wa kutoka Kabras, na wengine wa Uganda, Alego na Mt Elgon. Mke wangu wa mwisho anatoka Nandi," Kalukhana alisema.

Watoto wake watatu wanasomea katika vyuo vikuu vya Marekani huku wengine wakisomea nchini Kenya na Uganda katika shule za msingi, sekondari na vyuoni.

Kalikhana alisema licha ya changamoto za kifedha, yeye huweza kuitunza familia yake kubwa na kuwapa mahitaji yao. Yeye ni mkulima ambaye hufanya kazi za vibarua ili kujitafutia riziki na alisema huwatunza wake zake wote kwa usawa ili aweze kuheshimika.