Uko hapa: NyumbaniBurudani2021 11 24Article 573817

LifeStyle of Wednesday, 24 November 2021

Chanzo: www.tanzaniaweb.com

Sonko asema maisha ni magumu tangu avuliwe Ugavana, akiri kufilisika

Sonko asema maisha ni magumu tangu avuliwe Ugavana, akiri kufilisika Sonko asema maisha ni magumu tangu avuliwe Ugavana, akiri kufilisika

Gavana wa zamani wa Nairobi, Mike Sonko amekiri kwamba mambo yanamuendea mrama tangu alipong'olewa ofisini Nairobi ambako alikuwa Gavana.

Jana November 23, 2021 Gavana huyo wa zamani aliamriwa na Mahakama ya Kenya kuacha kupost video zozote zinazohusu Idara ya Mahakama ya nchini Kenya.

Mike Sonko amekuwa akianika kanda za video alizorekod kisiri kwa kile alichokitaja kama uozo uliojaa nchini Kenya na amesea kwamba amekuwa akiweka video hizo usiku sababu ya msongamano mitandaoni na pia amekuwa akikosa usingizi kutokana na kutokua na kazi.

Katika mahojiano na KTN News mnamo Jumanne, Novemba 23, mwanasiasa huyo tajiri alisema kwa sasa hana uhusiano wa karibu na Rais Uhuru Kenyatta.

"Tulikuwa marafiki na Rais kwa sababu ya nyadhifa za kisiasa ambazo sote wawili tulikuwa nazo, lakini kwa sasa, urafiki wetu hauko vile ulivyokuwa. Lakini, bado ninamheshimu kama kiongozi wa nchi," Sonko alisema.

Sonko alisema hajapokea malalamishi yoyote kuhusu kanda za video ambazo amekuwa akianika kwa kile alikitaja kama uozo uliojaa katika Idara ya Mahakama nchini.

"Ninatoa video hizo usiku kwa sababu ya trafiki ya mtandaoni na lazima pia niseme kwamba sina usingizi. Pia sina kazi kwa sasa; akaunti zangu za benki pia bado hazijafunguliwa. Kwa hiyo maisha bado ni magumu; bado tunajitia nguvu," alisema.

Alikanusha madai kuwa anatumia video hizo ili kupata pesa kutoka kwa watu fulani.

"Nilitengeneza pesa zangu kitambo na sina muda wa kuwanyang'anya Wakenya. Kwa sasa niko mahakamani nikipigania kesi zangu na kuwapigania Wakenya; sifungamani na vuguvugu lolote la kisiasa kabla ya uchaguzi. Ninapambana na hili. vita vya Wakenya milioni 40+," alisema.

Mikutano na wananchiKulingana na Sonko, huanza siku yake kwa kukutana na watu tofauti wanaotafuta msaada wake miongoni mwa masuala mengine.

" Huwa ninaamka asubuhi na kusaidia watu wasiojiweza pale ninapoweza. Bado naendesha biashara yangu ambayo nilikuwa nayo hata kabla sijajiunga na siasa," alisema.

Mnamo Jumanne, Novemba 23, Sonko aliamriwa na korti kukoma kuanika video zozote zinazohusu Idara ya Mahakama.

Katika taarifa kwenye Twitter, Sonko alisema alipokea amri hiyo inayomzuia kuchapisha video zozote yenye matini hiyo.

"Nimefika nyumbani kwangu baada ya siku ndefu ya kuunganisha vipindi vilivyofuata vikiwa 5B, 5C, 6 A, B na 7; kwa ajili tu ya usalama wangu kunijulisha kwamba amri ya mahakama imetolewa juu yangu ikionekana kuwa inanizuia kuanika zaidi,” aliandika gavana huyo wa zamani.

Sonko alisema Cecil Millerna George Kithi, mawakili wake wa zamani ambao aliwakashifu kwa kumkimbia wakati wa kusikizwa kwa hoja ya kutimulikwa kwake ofiisini nduo walipata amri hiyo.