Uko hapa: NyumbaniUkurasaMaoniArticles2021 10 28Article 566455

Maoni of Thursday, 28 October 2021

Columnist: kiswahili.tuko.co.ke

Demokrasia ya kula kwa kura ni kuchelewesha maendeleo

Demokrasia ya kula kwa kura ni kuchelewesha maendeleo Demokrasia ya kula kwa kura ni kuchelewesha maendeleo

Katika kipindi cha miongo mitatu hadi minne demokrasia ya China imekuwa inafuatiliwa kwa kina na wachambuzi wa maswala ya kisiasaUfuatiliaji huo umetokana na miujiza ya kiuchumi iliyofanywa na China.

Na wachambuzi wanajaribu kujua ni kipi China imekifanya na kufikia hapa ilipoTangu aliyekuwa kiongozi wa China Deng Xiaoping aliposema “haijalishi paka ni wa rangi gani, cha muhimu awe anakamata panya”, wachambuzi wamekuwa wakifuatilia kama kweli paka aliyemzungumzia Deng Xiaoping anaweza kukamata panya.

Hali halisi ni kuwa njia iliyofuatwa na China ni tofauti sana na njia iliyofuatwa na nchi za magharibi katika kuleta maendeleo, lakini matokeo yake yanatambuliwa na dunia nzima.

Kutokana na athari za vita baridi, maneno ya ujamaa na ukomunisti yalihusishwa na umaskini na hali ngumu na kufanya watu waamini kuwa nchi zinazofuata demokrasia ya kijamaa hatma yake ni mbaya, na zile zinazofuata demokrasia ya ubepari basi hatma yake ni nzuri.

Nchi nyingi hasa nchi za Afrika zilijikuta zikifuata demokrasia ya kibepari inayoambatana na siasa za ushindani wa vyama (competitive party politics) kama ilivyo kwa nchi za magharibi, lakini zilisahau kuwa msingi wa uchumi na jamii hauendani vizuri na siasa hizo.

Matokeo yake ni kuwa nchi nyingi zimejikuta zimekwama kwenye kufanya ushindani wa chama kipi kitatawala, na kufanya juhudi za kubaki madarakani na kupiga hatua ndogo ya maendeleo.

Tatizo kubwa lililopo kuhusu demokrasia ya kimagharibi ni kuwa, baadhi ya wachambuzi wa kimagharibi wanasahau kwamba nchi nyingi zisizo za magharibi, kwenye mambo ya uchumi,teknolojia, utamaduni na hata kiwango cha elimu ya uraia kiko chini sana ikilinganishwa na nchi za magharibi. Ndio maana chaguzi katika baadhi ya nchi za dunia ya tatu, huwa zinakuwa na utatanishi sana.

Baadhi ya watu hasa wanaogombea nafasi za uongozi, wanatumia uchaguzi kama ni njia ya kwenda kwenye ulaji, na wale wanaopiga kura wanachukulia kipindi kati ya uchaguzi kama ni kipindi cha kupata pesa au zawadi kutoka kwa wale wanaomba kuchaguliwa.

Bahati mbaya ni kuwa katika baadhi ya nchi kipindi kati ya uchaguzi mmoja hadi uchaguzi mwingine, walichaguliwa wanafanya kazi ya kula na sio kuwatumikia wapiga kura.

Hali hii ni tofauti na hali ilivyo kwenye nchi za magharibi au kwenye nchi nyingine zisizofuata demokrasia ya kimagharibi, ambapo kazi kubwa hufanyika baada ya kiongozi au mwakilishi kuingia madarakani.

Si kama demokrasia ya magharibi ni mbaya, kwani kwenye nchi za magharibi imefanya kazi na kuweza kuleta matokeo yanayotakiwa.

Na ni kweli pia imeleta utulivu kwa kiasi fulani katika baadhi ya nchi, lakini bado haijaleta maendeleo ya maana (significant economic development). Demokrasia hiyo imepita mchakato mrefu sana tangu ilipoanza Ugiriki mwaka 507 BC hadi kuleta matokeo tunayoyaona sasa katika nchi za magharibi.

Kwa hiyo ni sahihi kusema kutokana na jamii za nchi za magharibi kuwa na kiwango cha juu cha elimu, uchumi, na hata umma kuwa na elimu ya uraia (civic education), demokrasia ya magharibi inafaa kwenye jamii hizo, lakini kuna changamoto kwenye nchi nyingine.

Nchi nyingi za dunia ya tatu zimeanza kuamka na kutambua kuwa njia inayofaa ni ile inayoweza kuleta maendeleo.

Ingawa China imekuwa inasisitiza mara nyingi kuwa haitalazimisha nchi yoyote kufuata njia yake, uzuri ulipo ni kuwa, njia ya China ni somo kwa nchi nyingine, na ni njia mbadala kwa nchi zinazotaka kupata maendeleo ya kasi.